الرئيسية / السيارات / اخبار السيارات / الدفرنشلDifferential اية الفرق بين الكرونة العادية و اللوك؟الفرق بين الكرونة العادية و اللوك 3 – اضرار و مخاطر لو ركبت كرونا غير كرونا عربيتك الاصلية

الدفرنشلDifferential اية الفرق بين الكرونة العادية و اللوك؟الفرق بين الكرونة العادية و اللوك 3 – اضرار و مخاطر لو ركبت كرونا غير كرونا عربيتك الاصلية

 

هنتكلم النهارده

عن الدفرنسات او الكورونا

الدفرنشل ” ” Differential اية الفرق بين الكرونة العادية و اللوك؟:ية الفرق بين الكرونة العادية و اللوك 3 – اضرار و مخاطر لو ركبت كرونا غير كرونا عربيتك الاصلية

او ” الدفرنشل ” ” Differential ” و هنشرح
1 – اية هى الكرونا ..
2 – اية الفرق بين الكرونة العادية و اللوك
3 – اضرار و مخاطر لو ركبت كرونا غير كرونا عربيتك الاصلية …
4 – نصايح خاصة بالكرونا

الكورونا دى موجودة فى العربيات الدفع الخلفى و الرباعى فقط …
يعنى مفيش عربية جر امامى هنلاقى فيها كورونا
عشان تبقى مدقدق يعنى …

الكورونا عبار عن علبة ميكانيكية تستخدم عادة التروس العلبة دى موظفة لاستقبال عزم الدوران من مدخل فردى و بتطلعها لمخرج زوجى

اية ياعم الكلام الكبير دة
بص يا سيدى انزل كدة تحت اى عربية
شاهين .. فيات بموديلاتها .. لادا
بى ام .. مرسيدس عربيات خلفى كلها …
حتى الميكروباصات و النقل
هتلاقى تحتها عامود ماشى كدة و نهايتة عند الكورونا
دة بيبقى اسمة عمود الكردان بياخد القوة اللى خارجة من على الفتيس يوديها للعجلتين اللى ورا
و توزعة على العجلتين .. و فى نفس ذات الوقت تسمح للعجلتين بالدوران فى سرعات مختلفة
بس عزم الدوران يكون متساوى

يعنى فى العربية الخلفى لو مفيش كورونا العربية مش هتمشى ؟ حتى لو قولتلها بسبس
اة مش هتمشى

المختصر …
وظيفة الكرونا توزيع العزم على العجلتين حسب المقاومة اللى على كل عجلة ، يعنى لو ماشى فى طريق طوالى نضيف هتوزع العزم 50% 50% لكل عجلة من الفردتين اللى ورا …
و لو ماشى فى طريق طوالى بس فى جنبين
جنب اسفلت و جمب رمل و قرصت بنزين
هتلاقى العجلة اللى على الرمل بتلف على الفاضى عشان مقاومتها اقل … و لو رفعت عجلة عن الارض
العزم كلة هيروح ليها
و اللى على الارض مش هتتحرك نوووهائى ?
و فى الملفات لازم تختلف سرعة العجلتين
بحيث تكون العجلة الخارجية هى الاسرع
كل دة الكورنا بتعملة و دى الكورونا العادية اللى بتنزل فى العربية الاستوك و بيبقى اسمة
ال Open Differential

 

الدفرنشل
الدفرنشل

طب بنسمع عن ناس فحيتة كدة
يقولك انا لاحم الكرونا بتاعتى و عاملها Lock
ايوة عاملها Lock Differential يعنى

لما العربية تغرز فى رمل مثلا او ناحية منها تتزحلق على الطريق ساعتها هتحتاج ال Lock عشان بيوزع
50% 50% نظريا و فى منة بيشتغل اوتوماتيك
لما يحس بفرق كبير فى العزم بين العجلتين
و بتتقفل عن طريق انك تلحم الكرونا او بحاجة اسمها
” كلاتشات كورونا ” …

و كمان كل الدريفترز بيلحمو الكورنا عشان يعرفو يروحو بجنب العربية كويس
لان اللى الفردة اليمين بتعملة لازم الشمال تعملة و العكس كمان صحيح …
يعنى عكس ال Open Differential

مش فاهم …

خد المفيد فى الجملتين دول
● الكورونا المفتوحة بتعمل تساوى فى توزيع العزم بين العجل ؛ يعنى لو المقاومة على احدى العجل قلت يبقى العزم اللى رايحلها هيقل و مش كدة و بس دة العزم اللى رايح للعجلة التانية هيقل كمان لان زى ما قولنا العزم بيكون متساوى …
معنى كدة لو ماشى على ارض رملية او طينية ال Traction هيقل و الثبات هيخف و العربية تعوووم

● لما بقى بتعمل Lock بتخلى السرعة على كل عجلة تكون متساوية .. بس العزم هيكون مختلف
على حسب طبيعة المقاومة على كل عجلة
و دة بيحسن فى ال Traction

يعنى معنى كدة ان لو رفعت عجلة عن الارض
هلاقى الفردتين بيلفو مش الفردة اللى متعلقة فى الهوا زى ال Open Diff
اة طبعا الاثنين هيلفو مع بعض المرفوعة و اللى ماسكة الارض و هو دة ال Lock Diff

و هقول #‏تحذيرات‬ مش نصايح …
الناس اللى عربياتها ماشية بكورونا …

انتشرت من فترة هووجة ناس الكورونا بتاعت عربياتها بتبوظ يروح جاى مغير كورونا عربيتة
بكورونا عربية تانية خالص
و طبعا مش بتركب كدة و خلاص
دة لازم يعمل تعديلات فى عمود الكردان و غيرة عشان العربية تمشى …

بس خلى بالك ?
المهندس اللى صمم عربيتك لما بيجى يحسب سرعة دوران الموتور و الفتيس و عمود الكردان و الكورونا بيحسبها على اساس حسابات و معدلات هندسية
عشان يعرف يخرج احسن قدرة من الموتور و احسن اداء للعربية كلها من حيث فرامل و تجميع و ثبات و توزيع عزم

لو كانت الحسابات كلها زى بعض مكنتش كل عربية نزلت برقم كورونا معين
مكنتش القوة فرقت …

طب اية يعنى لما اغير كورونا عربيتى بكورونا عربية تانية اية اللى هيحصل يعنى

1 – استهلاك بنزين عالى
2 – سرعة دوران الكارونا الجديدة مختلفة عن القديمة اللى هى ال ( فابريكة )
3 – انخفاض السرعة القصوى
4 – احتمالية عدم ثبات العربية فى الملفات
( بسبب تغيير مكان مركز الثقل و ثبات و اتزان العربية مع الدفرانس الجديد عن الفابريكة ) و دة بنسبة 80% هيحصل …

شوية ملاحظات ..

● عندنا كمان يا سيدى ان الكرونا لما تبوظ بيبدا يتسمع ليها اصوات زى اصوات ونه كده ودى بقى بيبقى علاجها انك تغير كرونا بس مش اى حد يركبها لازم حد فاهم وهو بيركبها عشان يوزن الكرونا وعمرها ميبقاش قصير
وفى ناس بتريح دماغه وتروح تشترى دفرانس كامل

● زيت الكرونا لازم يكون زيت نضيف كده وابن حلال عشان يحافظ عليها
والزيت دة مش بيتغير دة بيزود بس

● من ضمن الاخطاء الشائعه فى المجال ان فى ناس لما الكرونا تسلم نمر وتطلع صوت يقوم عامل ايه
يقوم يجيب نشارة خشب وحتطها فى الكرونا وفى ناس كمان بتالف وتحط قشر موز
اه والله قشر موز
بس طبعا الكلام دا كله مسكنات ومينفعش
و لازم تتفير

__________________

و بكدة اكون قولت كل كلمة اعرفها عن الكورنا …
شير عشان نقضى على السؤال بتاع
اية الفرق بين الكورنا العادية و ال Lock

شاهد أيضاً

شركه صرافه السلطان 🔺اسعار التحويل اليوم تحديث السبت ٦ مايو

شركه السلطان للصرافه اخر تحديث اليوم الاربعاء 26 ابريل

‼️شركه السلطان للصرافه‼️ ‼️اخر تحديث ‼️ الأربعاء 26 ابريل ‼️حساب بنكى فقط ‼️بدايه التحويل عشره …

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

>