الرئيسية / السيارات / اخبار السيارات / حلول لكل مشاكل الفرامل فى سيارتك شرح كامل ووافى عن مشاكل الفرامل فى السيارات

حلول لكل مشاكل الفرامل فى سيارتك شرح كامل ووافى عن مشاكل الفرامل فى السيارات

حلول لكل مشاكل الفرامل فى سيارتك شرح كامل ووافى عن مشاكل الفرامل فى السيارات

كل واحد يخلى بالوا من فراملة

● يعنى اية طنبورة فيها عالى و واطى ؟

يعنى الطنبورة فيها حتت عالية و واطية بسبب ان جة عليها ماية
و التيل لما بيجى يقفش على الطنبورة يلاقى العالى و واطى يقوم جاى و هو بيفرمل يفضل يصفر
او انك سبت التيل القديم فترة و هو خلصان فعمل عالى و واطى فى الطنبورة …

● طب أسباب أن التيل يصفر ؟

 

مشاكل وحلول الفرامل فى السيارات شرحكامل عن مشاكل التصفير فى الفرامل وتيل الفرامل

1 – لو الصوت ظهر مرة واحدة يبقى الطنبورة و التيل الفرامل  عليهم وساخة و تراب و لما بيحصل احتكاك بينهم يقوم جايين مصفرين
2 – أن التيل يكون لسة جديد و بيطبع على الطنبورة
3 – أنك اصلا جايب تيل خامتة وحشة و هو الطبيعى بتاعة انة يفضل يصفر كدة

● طب أسباب أنى لما باجى افرمل العربية بتحدف يمين او شمال ؟

1 – دة بيبقى ترصيص و ضبط زوايا و حلها انك بتروح لبنزينة نضيفة يعملك الكلام دة بالكومبيوتر
2 – او انك مش محتاج ضبط زوايا و ترصيص
و ماستر الفرامل اليمين فى مشكلة بيخلى العربية تحدف شمال
او الماستر الشمال فى مشكلة يخلى العربية تحدف يمين
و أيوة الاتجهات صح الماستر اليمين يخلى العربية تحدف شمال و العكس

● طب لية لما بعدى ال 120 – 100 الدريسكيون بيبقى فى رعشة او رجة و عند الفرامل كمان ؟

1 – دة بسبب انك برضة عاوز تعمل ضبط زوايا و ترصيص
2 – الطنابير بتجيبأخرها و عاوزة تتخرط و يتشال منها 1 مم و بعد 4 – 5 شهور من تاريخ الخرطط تروح تجيب طنبورتين جداد أفضل

● طب اية سبب أن بدال الفرامل عندى واطى و الفرامل ضعيفة ؟

1 – دة بسبب أن الفرامل واخدة هوا
يعنى اية ؟ يعنى الزيت بتاع الفرامل ماشى فى مواسير عادى يقوم يلاقى فى سكتة هوا داخل معاة يقوم البدال يوطى و الفرامل تضعف يعنى بيحصل فرق ضغط هوا مع الزيت ..
و كلها انك تروح للميكانيكى يفك مسمار ماسورة الزيت اللى رايحة للماستر الفرعى و يقولك اقعد فى العربية و دوس فرامل كذا مرة ورا بعض عشان خاطر الزيت يمشى فى الماسورة و يخرج الهوا معاة و بكدة تكون مشكلة هوا الفرامل خلصت

● طب لو البدال عندى بتاع الفرامل بقى ناشف جدا و لازم اضغط بقوة علية عشان العربية تفرمل ؟

دة بسبب ال Servo يا كبير ( سيرفو ) دة وظيفتة انة يخلى بدال الفرامل ناعم معاك و السيرفو دة هو اللى بيخلى البدال ينزل لحد الاخر كدة و يخلى الفرامل ناعمة لانة بياخد جزء من الهوا اللى داخل للموتور .. حلها ان السيرفو كلة يتغير بواحد استيراد او جديد ..

● طب اية لزمة الطنابير المخرمة فى العربيات الرياضية زى الصورة كدة ؟
دة عشان الطنابير يحصل فيها تهوية و متسخنش و اداء الفرامل يكون حلو و العربية تفرمل اسرع

شوية نصايح كدة تعمل بيها لو عاوز تحافظ بيها على التيل و الطنابير

1 – و أنت بتدوس فرامل خليك حنين
بلاش دووسة سواق الميكروباص اللى يخليك تترزع فى البربريز بسبب الفرملة الجامدة
2 – لو انت جى من مشوار بعيد و رايح تغسل عربيتك متخليش العامل يعمل معاك واجب و يضربلك خرطوم الماية فى قلب الطنبورة ماشى

_____________

و بكدة نكون خلصنا معظم مشاكل الناس مع الفرامل بحلولها ..
منشن لصاحبك
شير و فيد غيرك ..

شاهد أيضاً

سعر الدولار اليوم السبت 1-4-2017 في البنوك والسوق السوداء

جاء سعر الدولار اليوم الجمعة في البنوك والسوق السوداء، ليقف ثابتًا كما هو دون حدوث …

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *