الرئيسية / السيارات / اخبار السيارات / الطنابير الاماميه البريك ديسك مشاكل وحلول وكيفيه الحفاظ عليها

الطنابير الاماميه البريك ديسك مشاكل وحلول وكيفيه الحفاظ عليها

الطنابير الاماميه البريك ديسك مشاكل وحلول وكيفيه الحفاظ عليها

الطنابير او البريك ديسك
السبب ببساطه اننا بنشتري الاصلي مش اصلي

يعني .. انت بتروح تشتري طنابير ب 250 ج او 500 ج كل ده اي كلام ومش اصلي اصلا ده
تقليد بس عالى الجوده يعني مقلد باتقان وبس عشان كده سنه او اقل
وكل واحد يروح لحاله ..

الصح في الطنابير لما تقلش معاك
اول حاجه تخرطها مره واحده بس لو كانت جديده ودي هتكفيك6 شهور والخرط بيكون ب 50 او 60 ج ميزدش يعني بياخد 1 مم

وتجيب تيل فرامل اي كلام برده ب 60 ولا 80 ج ويبقي الموضوع اتقفل 6 شهور ب150 ج

طبعا طنابير مقلده وتيل فرامل مقلد النتيجه انك بتحس برعشه فى الدركسيون قويه مع الفرامل واهتزاز احيانا قوى جدا واحيانا بتحس ان العربيه تروح شمال ويمين
بعد ال6 شهور
تطلع علي توكيلك
تجيبلك طنبورتين اصلي هيبداو من 900 ج وانت طالع الطنبورتين بس وده طبعا حسب نوع عربيتك بس الطنابير الاصليه غاليه وبتعمر معاك فتره طويله وتقدر تخرطهم مرتين الى تلات مرات حسب الخرطه ومقاسها

والتيل هيعمله 450 الى 750  وانت طالع برده حسب نوع وموديل العربيه

كده هيكون عندك فرامل قويه وناعمه من غير اى اصوات لفتره من سنتين الى 3 سنين على الاقل

وطبعا مفيش اى اهتزاز او رعشه فى الدركسيون لما تدوس فرامل مهما كانت سرعتك
ملاحظه لما تيل الفرامل  يخلص وتحتاج تغيره ماتشتريش تيل  صينى او مقلد تانى والطنابير اصليه لانه هيدمر الطنابير وهيخلص عليه وكده هتخسر الطنابير تانى الاصليه وتحتاج تشترى جديده

1: اولا الميه والطنابير سخن بتكون حرارتها عاليه جدا وهى من الحديد الصلب بمجر ما الماء بتجيى عيلها بيحصل انعواج وفيها او تغير حجمها من مكان لاخر وتسبب اهتزاز الدركسبون مع دوس الفارمل بالتالى تجنب غسيل السياره بعد مشوار طويل الافضل استنى شويه تبرد الطنابير وبعدين اغسلها ومتجبش عليها ميه بشكل مباشر

عشان كده لو انا جاي من مشوار بعيد مغسلش العربية بسرعه
لو مركب جنط امشي بالعربية علي 80 ولا حاجه متزدش في الجو الممطر او جو لابصه
مستغرب ليه ياعم مانت بتقول لابصه عندكم ولا هنا حرام

فيه حاجه تالته عشان تحافظو علي الطنابير دي بشكل اكبر .. طريقة دوسة الفرامل
لازم تكون مميزة
انت سايق عربيتك مش ميكروباص
عشان كده بتفرمل واحده واحده نصف كبسه

مش زي الميكروباص كبسه واحده اللي هو بيخليكي تقعد في الكرسي القداماني غصب عنك بسبب فرامله

علي فكره الطنابير والتيل هما اساس اجزاء الاحتكاك لايقاف السيارة

عشان كده في سيارات بتنزل سكينه زي الاوبل والالنترا وانواع كتيره جدا حديثه وفيه عربيات بتنزل امامي بس الفرمله بتكون قدام وبس علي طنبورتين مش علي اربعه

عشان كده الطنبورة لما تحتك ببساطه مع التيل هيبقي فيه احتكاك خفيف فهياكل التيل بالراحه

فيه ناس بتعتقد العكس هقولك عشان تريح نفسك خالص
هات اي حاجه طباشير حتي وحكه في الارض مره بسرعه ومره بالراحه
هتلاقي ان التاكل بيكون اسرع في الفرملة السريعه مش في البطيئة

شكرا ليكم
بالتوفيق

شاهد أيضاً

الجمارك الجديدة على السيارات الواردة من الاتحاد الأوروبي بعد تخفيضها

    تعرف على قيمة الجمارك الجديدة على السيارات الواردة من الاتحاد الأوروبي بعد تخفيضها …

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *