الرئيسية / السيارات / الدخان او العادم الخارجه من الشكمان انوعها واسبابها

الدخان او العادم الخارجه من الشكمان انوعها واسبابها

لون العادم الخارج من الشكمان اسبابها وعلاجها

نتكلم عن بعض الوان الدخنه اللى بتطلع من الشكمان واسبابها وعلاجها ?

١- الدخنه اللى لونها رمادى مزرق او ابيض سماوى كده دى بتبقى دهنه ناتجه عن احتراق زيت والزيت دا بيتحرق بيرجع لسببين اولهم ان طقم الشمبر بتاع موتورك بيكون خلص وبيسحب زيت يدخله على خليط العادم والوقود يحرقه وعلاجه انك تعمل طقم شمبر للموتور ولو الشمايز ( الاسطوانات اللى بيتحرك فيها الباساتم ) فيها عتب عالى اوخلاصنه لازم تعمل طقم شمايز ? السبب الثانى جلد الصباب او اويل سيل الصباب ودا جلد راكب فى الصباب تحت السوست بتاعتها عالطول ووظيفتها انها متخليش الزيت اللى موجود فى وش السلندر وتمنعه انه ينزل مع اكس الصباب ويختلط مع خليط العادم ولما بيبوظ حله انك تغيره ودى بيتفك فيها وش السلندر

٢- الدخنه اللى لونها ابيض ودى دخنها بتنتج من احتراق المياه ودا بيبقى بسبب تسريب فى وش السلندر بين مجارى المياه وغرف الاحتراق ودى علاجها تغيير جوان وش السلندر?

٣- الدخنه اللى لونها اسود ودى دخنه بتنتج نتيجة احتراق وقود زيادة يعنى ياباشا سعتك دلوقتى عندك بنزين زياده بيتحرق ويسببلك هباب فى الدخنه لونها اسود لو عربيتك قديمه وفيها كاربراتير فهو محتاج يتظبط ولو حديثه وشغاله بنظام البخاخ فمحتاج تكشف على حساس الماڤ او الماب والرشاشات او حساس الشكمان

اتمنى موضوع انهارده يكون عجبكم شـوية تـفاعل بـقي

# #

شاهد أيضاً

مصر: ارتفاع في اسعار تذاكر المترو