الرئيسية / السيارات / شرح وافي وكامل لعمل الاكسات الاماميه او الكبالن

شرح وافي وكامل لعمل الاكسات الاماميه او الكبالن

::اعلان::

شرح وافي وكامل لعمل الاكسات الاماميه او الكبالن

 

 

الكبالن
ازيكوا ياجماعه عاملين ايه ؟! 💜💜😊😊✌
يارب تكون دايما بخير 🙌🙌

وانهارده بقى هنتكلم عنه وكل واحد عينه تلمح البوست يقراه ضرورى لان مفيش عربيه جر امامى بتخلى من الكبالن 😊😊

البوست دا بقاله ٣ ايام بيتجهز عايزين تفاعل بقا
واللى مش هيعمل لايك هزعل منه 😢😧😢

تعالو ا الاول نعرف هو جه منين واحتجنا ليه 😀😀

دلوقتى العلماء والمفسرين اللى هما حضرتكوا واحنا لاحظنا حاجه غريبه جدا 😮

لو فى اى عربيه ماشيه مع كسرة الدركسيون يمين وشمال العجل بيتحرك ولو خدنا مطب العجل بيتحرك فوق وتحت😂

طيب بعد اكتشاف الظاهره الفشيخه دى 😂😂😂

اصبح مينفعش ان احنا نركب اكس ثابت ما بين الكرونا الداخليه للفتيس والعجل
لانك لو جيت تكسر الدركسيون او خدت مطب الاكس دا هيتنى او يتكسر وهيبهدل آلات الجر 😱😱

ومن هنا احتجنا الكوبلن علشان الكوبلن يركب فى العجل ويخرج منه الأكس اللى هيركب فى الفتيس 😉😉
ودا عشان للكوبلن اللى بيركب فى العجله انه يتحرك يمين وشمال اثناء الدوران بتاع الاكس اللى جاى من الفتيس😊😎😎

نقول الكوبلن بيتكون من ايه ☺؟!

 

 

 

الكوبلن بيتكون من اكس مسنن بيركب فى السره بتاعت العجل ومثبت الاكس دا فى حاجه كده عامله زى الكوباية 😂😂
ومتصل معاها من كعبها
اما الناحيه التانيه من الكوبايه
واللى بيركب فيها العجل بيبقى فيها من داخلها مجارى مخصصه لبلى والبلة دا بيركب عليه حاجه كده عامله زى الغويشه عشان تجمعه وتمسكه وبيخرج من الغويشه دى اكس بيركب فى الفتيس على كوبلن تانى هنتكلم عليه
كمان شويه ✌✌✌

ومن هنا نفهم ان البلى هو اللى مسئول عن. حركة الكوبلن يمين وشمال اثناء دوران العجله وبالاخص عند كسرة الدركسيون ومن هنا اصبح فى حاجه لوسط ملين
عشان يلين حركة البلى فى المجارى بتاعته ويقلل من قوى احتكاكه ودرجة الحرارة اللى هتطلع من الاحتكاك دا و لازم يتم تشحيم الكوبلن او بالمعنى الادق بيتملى شحم وبعد كده بيتم تركيب كاوتشه عليه عشان تحميه من التراب 😎😎😎☺☺☺☺

واحد هناك اهوا دماغه حلوه بيقولى طب ياعم وهبه
دلوقتى احنا سمحنا للكوبلن انه يتحرك يمين وشمال بس مش هينفع يتحرك لبرا او لجوا العربيه مع المطبات عشان زاوية الكمبر بتاعة العجله ثابته وبالتالى هيتحرك لفوق وتحت وهيحرك معاه الاكس وبكسر آلات الجر 😱😱
هقوله والله انت تجيب امتياز 😂😂😂😂😂

وعشان نحل المشكله دى هنعمل كوبلن تانى يركب فى الفتيس وهنسميه الكوبلن الداخلى او الجرس
وبيركب فيه الاكس اللى جاى من كبالن العجل على صليبه 😎😎
وهنا الصليبه بتسمحله ان يتحرك فى جميع الاتجاهات
وبردوا بيحتاج شحم عشان يحافظ على الصلايب دى
وبردوا بيركب عليه جلده ( كاوتشه ) عشان تحميها من التراب 😉
وبكده اصبح الاكس بيتحرك فى جميع الاتجاهات مع حركة العجل ومع المطبات ومع المحافظه على آلات الجر 😉😉😉😉

نقول شوية عيوب بقا ونظاهر للتلف 😕😕😕

الكوبلن من الشخصيات المحترمه اللى قبلتها فى حياتى والله قبل ما بيبوظ بيديك انذار يقولك لو سمحت انا خلاص تعبت فغيرنى 😂😂😂😂

وبيظهر الانذار دا على صورة طقطقه فى الملفات
يعنى حضرتك بتكسر الدركسيون يمين او شمال وسمعت صوت طقطقه اعرف ان الكوبلن بتاع اليامه دى خلاص بايظ وعايز يتغير 😕😕
وبيحصل الموضوع دا نتيجة تكون حفر وتجاعيد فى المجارى بتاعت البلى فاصبح دلوقتى فى بوش ما بين البليه والمجرى ومع الضغط على المكان وكسرة الدركسيون يظهر الصوت 😱😱

الكوبلن الداخلى بيركب فى الفتيس وبيبقى موجود فيه دوران عشان يعشق فى اويل سيل الكرونه لو الدوران دا بايظ او فى تجاريح هيتسبب خروج قطرات من زيت الفتيس 😱😱

اويل سيل الفتيس لو تعبان او ناشف هيخرج زيت بردوا 😕😕
الكوبلن الداخلى او الجرس عمره طويل جدا ونادر جدا لما بيبوظ وبردوا هو راجل محترم لما بيبوظ بيقولك
وعشان كده هتلاقى خبطه صغيره او طقه بسيطه فى الطلعه بتاعة العربيه 😱😱😕😕

واخيرا نقول شوية نصايح ✌✌😊😊😊
عايز تحافظ على الكبالن يبقى تسمع الكلام ده 🔧🔧

هطلع بالعربيه عدل وطلعه حلوه كده وهاديه تبقى صاحبى وحبيبى 💜💜
تقرص وتفرك وتفتكر نفسك عايش جو افلام ڤان ديزل هعصرك انزل منك بوجيهات صغيرين 😠😠😬😬

بلاش تاخد الملف على العاصى وانت ماسك الدركسيون وقارص عليه اوى ✋✋
لا اكسر الدركسيون بالزاويه اللى يدوب تكفى الملف 😊

لما العرببه تبدا تظهر صوت الطقطقه انصحك انك تروح تغير الكبالن بسرعه عشان لو الكبلن فرط البلى بتاعه منك على الطريق انت هتوقف فى مكانك والعربيه مش هتتحرك سم واحد 😠😠

لما تيجى تغير كوبلن غير اخوه معاه بالمره هتكسب ثواب والله 😂😂 وتبقى كده طولت عمرهم معاك 😮😮😎

لما تجيب الكبالن حط الشحم اللى جاى معاها عشان هيبقى مناسب ليها ولو مش جاى معاها شحم هاتلها شحم نضيف وخلى بالك لان فى بعض الناس للاسف بتشتغل اصحاب العربيات وبيروحوا يجيبوا علب شحم عربيات كاروه ويحطوها للكبالن عشان يشتغلوا الناس
للاسف 😠😠😠

——_——-_———_———_———_——–

#شير فى الخير
#منشن لصاحبك اللى مش عارف ايه هو الكوبلن
#تفاعلوا ☺

المصدر

#Wahba
#Wesh_Cylinder

شاهد أيضاً

شركه صرافه هافانا‼️ تحديث اليوم الخميس ١٦ مارس ٢٠١٧

::اعلان:: ‼️اسعار التحويل اليوم ١٦ مارس الاربعاء . ‼️تحديث الساعة 6.25 pm ‼️سعر الجنيه مصري …

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *