الرئيسية / الموضوعات / السيارات / اخبار السيارات / كيفيه فحص السيارات المستعمله (فحص البدى الصاج )

كيفيه فحص السيارات المستعمله (فحص البدى الصاج )

كيفيه فحص سياره مستعمله مثل الخبراء والمحترفين الجزء الاول فحص البدى الهيكل(car body) الصاج

ازاى افحص عربيه مستعمله وافحص البدى الخارجى واتاكد انه خالى من الحوادث او انه بوهيه المصنع مش مرشوش

 

هنتكلم النهاردة عن فحص
الرفارف ؛ القشرة الخارجية للأبواب و الكبوت و الشنطة و السقف و اكصدامات و رفارف

طبعا لازم الصاج الخارجى كلة يكون سليم و مفهوش اى حكات و خبطاط ملحوظة فى اماكن حساسة بالعربية ..
و انت بتبص على الصاج لازم تكون لماح بمعنى انك تركز فى كل جزء فى العربية من اصغرة ل اكبرة
عشان لو فى حتة واطية او عالية تاخد بالك منها
من حيث رفرف او باب او سقف اكصدام … الخ ?

حاجات لازم تاخد بالك منها

 

رسم توضحي لاجزاء هيكل السياره وكيفيه فحصها

فحص_المستعمل و هو فحص الصاج
فحص_المستعمل 

● لو شفت اى جزء فى العربية خالف عن الجزء التانى اللى زية بمعنى الصاج مش راكب مكانة كويس مثلا رفرف مخلوع شوية من تحت و فى بوش خفيف
بينة و بين جسم العربية

● البارومة … دى قصتها كبيرة سواء كانت بارومة كتير او قليلة … لان اصلاحها بيكلف كتير و بوية و معجنة و صنفرة و قصة انت فى غنى عنها

و من اكتر الاماكن اللى بيكون فيها بارومة
1 – داير الرفرف
2 – اطراف قشرة الباب
3 – حلق الازاز اللى قدام و ورا

فحص السيارات المستعمله
فحص السيارات المستعمله


● المجارى الخاصة بتسريب ماية الشتا او الغسيل
المظراب يعنى ? و دى بتكون فى اطراف السقف فى الجنب او فى القوايم اللى قدام و على الجناب فى حوض الموتور و الشنطة ..

نقطة كمان .. مش محتاج اقول ان لازم تكون البوية ممتازة او على الاقل جيدة لانها من الحاجات اللى بتكلف كتير و بتحدد حالة العربية و تمنها
و هنا برضة لازم تكون لماح عشان تلاحظ اى فروق لون فى الدرجة يعنى حتة اغمق من حتى او حتى افتح من حتة
لان معنى ان حتة غامقة او فاتحة او حتى البوية مش فابريكا يبقى العربية دى كانت خبطة و رشت و الافضل تاخد بوهيجى معاك

حاجة كمان لازم تعملها و دى هتاثر معاك فى العربية كلها مش صاج بس ..
أقف قدام العربية فى النص و مرة تانية ورا العربية فى النص و بص على السقف كويس و دقق و شوف فى اى ميالان على اى جنب ولا لا حتى لو ميل خفيف
لان ممكن يكون السقف معمول فى شغل او كان فى لووحة و استعدل و بالتالى مش هيبقى وازن العربية صح و هيأثر على الثبات بشكل كلى و كمان حالة العربية و سعرها

● شوف فى اى ميل فى الكبوت ولا لا ..
يعنى الكابوت مريح يمين شوية او شمال شوية
مضغوط من نحية اكتر من التانية ..

دقق فى الفرق اللى بين الفوانيس و الشنطة
و بين الفوانيس و الكابوت شوف الفرق اللى فى اليمين قد الشمال ولا لا ؟ لو الاثنين مظبوطين يبقى فل غير كدة يبقى العربية فيها شغل ..

● نفتح الشنطة و نبص عليها من جوة و من الحروف بتاعتها .. و نشوف الارضية بتاعت الشنطة و الاستبن فيهم بارومة او مكان ل اى لحامات ولا لا

و بكدة نكون خلصنا فحص الصاج …
منشن لصاحبك اللة هيشترى مستعمل
#شير و فيد غيرك

 

 

الرابط المختصر لموضوع: https://egkwt.com/ELbtQ

شاهد أيضاً

أرخص 5 سيارات أوتوماتيك في السوق المصري

أرخص 5 سيارات أوتوماتيك في السوق المصري نعرض  بوابه ايجي كويت التجاريه من موقع المال …

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *